Ұлан ғайыр қазыналарымызды қалпынша қолданып, қорғау,
ұлттық бірегейлікті сақтау, білімнің салтанат құруы.
Елбасы Нұрсұлтан Әбішұлы Назарбаевтың
«Болашаққа бағдар: рухани жаңғыру» бағдарламалық мақаласы
ел дамуының жарқын үлгісі мен нақты қадамдарын көрсететін келелі ой,
салиқалы пікір, батыл шешімдерге құрылған маңызды құжат.
“Тәрбие және білім” бөлімінің мақсаты – Қазақстандық патриотизм рухында жаң-жақты дамыған жеке тұлғаларды тәрбиелеу.
“Тәрбие және білім” бөлімі аясында нақты мақсатқа жету үшін келесі Базалық жобалар ұйымдастырылады:
“Өлкетану”;
“Отаным – тағдырым”;
“Саналы Азамат”.
Білімді, көзі ашық, көкірегі ояу болуға ұмтылу – біздің қанымызда бар қасиет. Елімізде өте жоғары деңгейдегі бірқатар университеттер ашылды, зияткерлік мектептер жүйесі қалыптасты. Басқа да көптеген іс тындырылды. Біз бүгінгі жаңа атаулы ертең-ақ ескіге айналатын, жүрісі жылдам дәуірге аяқ бастық. Бұл жағдайда кәсібін неғұрлым қиналмай, жеңіл өзгертуге қабілетті, аса білімдар адамдар ғана табысқа жетеді.
